Өзбекстанның Орталық банкі Грузияның жетекші қаржы институты саналатын негізгі кеңсесі Тблисиде орналасқан TBC Bank-ке Ташкентте өз филиалын ашуға алғашқы рұқсатнама бергенін мәлімдеді.

Құжатқа сай, 2020 жылдың 20 қаңтарында «TBC Bank Group PLC» компаниясына Ташкентте «TBC Bank» акционерлік коммерциялық банкті құруға рұқсат беру туралы шешім қабылданып, рұқсатнама мерзімі алты айды құрайды.

Осы кезең аралығында құрылтайшы банктік қызметті жүзеге асыру құқығына лицензия алу және банктің жарғылық капиталын қалыптастыру үшін тиісті құжаттар мен техникалық шараларды жүзеге асыруы керек.