Нұр-Сұлтан қаласында Халықаралық аралас жекпе-жек федерациясы (IMMAF) кеңесінің кезектегі үлкен жиыны өтіп, онда Орталық Азия ММА Конфедерациясын құру жөнінде шешім қабылданды.

Құрамында Қазақстан, Өзбекстан, Қырғызстан, Тәжікстан және Әзірбайжан елдері кіретін Орталық Азия ММА Конфедерациясының төрағасы болып көпшіліктің мақұдауымен Атабек Умаров тағайындалды. Ал атаулы халықаралық ұйымның вице-президенттік қызметіне Искандер Карим мен Валихан Тен сайланып, жиынның қорытындысы бойынша Орталық Азиядағы алғашқы аралас жекпе-жек спортының Азия чемпионатын 2020 жыл Қазақстанда өткізу белгіленді.

Атабек Умаров 2019 жылдың қараша айында негізі қаланған Өзбекстан аралас жекпе-жек спорты қауымдастығының президенті саналады.