Italiya qirg‘oqni qo‘riqlash xizmati tomonidan O‘rta yer dengizining Liviya qirg‘og‘i yaqinida suzib ketayotgan, besh kishining jasadi bo‘lgan va yana 674 kishi joylashgan qayiq qutqarildi.

"Lenta.ru" "Associated Press" nashri ma’lumotiga asoslangan xabarida Italiya janubi-g‘arbiy qirg‘og‘idan 190 kilometr masofada o‘tkazilgan amaliyotda qutqarilganlar Kalabriya va Sitsiliya portlariga olib ketilgan. Besh nafar migrantning o‘limi sababi, hozircha, noma’lum.

Qayd etilishicha, joriy yil Italiyaga keluvchi noqonuniy muhojirlar oqimi o‘tgan yilga nisbatan ancha ko‘paygan.