Кўргазмадан рассомнинг турли жанрдаги 70 га яқин ижодий иши ўрин олган. “Иштаҳа”, “Умид”, “Она учун”, “Ҳаёт”картиналарида мусаввирнинг ҳаётга нисбатан қараши, ҳис-туйғулари айниқса, гўзал ифодасини топган.Портрет жанрида яратилган“Ота”, “Ботир портрети” каби асарларда нафақат ташқи қиёфа, балки қаҳрамонларнинг феъл-атвори, ички дунёси ҳам маҳорат билан тасвирланган.

Муаллиф ижодида Орол мавзуси алоҳида ўрин тутади. Хусусан, “Орол арғимчоқлари”, “Менинг дардим”, “Орол фожиаси”, “Кемалар қабристони” картиналари мухлису мутахассислар эътирофига сазовор бўлган.