Туризм қўмитаси томонидан  SamAuto ҳамкорлигида ва Tegeta Motors кўмагида ташкил этилган “Оролга ташриф” халқаро автосаёҳат лойиҳаси иштирокчилари Бухоро вилоятида бўлди.

Лойиҳа иштирокчилари Бухоронинг тарихий ёдгорликлари, ҳунармандчилик марказлари, ҳудудларнинг ўзига хос миллий таомлари ҳамда меҳмондўстлик анъаналари билан яқиндан танишиш имконига эга бўлди. 

Улар ўз таассуротлари ва тавсияларини реал вақт режимида оммавий ахборот воситалари ҳамда ижтимоий тармоқлар орқали кенг жамоатчилик билан бўлишди. Бу эса, ўз навбатида Бухоро вилоятининг туризм салоҳиятини кенг тарғиб қилишга хизмат қилди.

Мазкур автосаёҳат лойиҳаси туризм орқали халқаро ҳамкорликни мустаҳкамлаш ва Оролбўйи минтақасининг жаҳон ҳамжамиятидаги ижобий имижини шакллантиришга муҳим қадам бўлада.

Зариф Комилов, ЎзА мухбири.