Ёқутистонда содир бўлган ўрмон ёнғинларининг тутуни Москвагача етиб келади.

«Ёнғинни бартараф қила олмасак, тутуни Москвагача етади», деди Россия фавқулодда вазиятлар вазирлиги раҳбари Евгений Зиничев. Аввалроқ Ёқутистондан тарқалаётган тутун Челябинск вилоятигача келгани айтилганди. Маҳкамадан қўшимча қилинишича, атмосферага рухсат берилганидан ортиқ зарарли газлар чиқмаган. Бундан ташқари, ўрмон ёнғинларидан чиқаётган тутун Қозоғистоннинг Павлодар вилоятининг айрим туманлари, жумладан, унинг маъмурий марказини ҳам қамраб олган.