Төрт мыңнан астам адам эвакуацияланды, ондаған мың гектар орман от құшағында қалды.

Испанияның солтүстігі мен оңтүстігінде елдің 50-ден астам аймағын қамтыған орман өрттері жалғасуда.

EFE агенттігінің хабарлауынша, Кастилия мен Леонда – 25, Галисияда – 14, Астурияда – 12 өрт ошағы тіркелген.

Оуренсе (Галисия), Леон және Самора (Кастилия мен Леон), Сомедо (Астурия), Пласенсия (Эстремадура) муниципалитеттерінде жағдай әлі де ауыр күйінде қалып отыр.

Галисияда 47 мың гектар орман жанып кетті. Мыңдаған адам эвакуацияланған.

Өртті сөндіруге төтенше жағдайлар жөніндегі әскери бөлімшелер және Еуроодақ ұсынған ұшақтар тартылған.