Виктор Орбан 15 йилдан бери Венгрия Бош вазири сифатида ҳокимиятни бошқаради. Келаси йил яна сайловлар бўлиши керак. Аммо, бу галги сайловларда жиддий қаршиликка дуч келиши ҳам мумкин.

Мамлакат бўйлаб уюштирган учрашувлардан бирида Венгрия ташқи сиёсати ҳақида сўз очди:

- Янглишманг, Украинадаги парокандалик Венгрия учун фалокатли бўлиши мумкин. Украинанинг қулаши Венгрия манфаатларига зид, биз бунга йўл қўймаслик учун ҳаракат қилишимиз керак, - деди у.  

Бу билан у Евроиттифоқ аъзолари фикрига қарши чиқишларини изоҳлагандек бўлди.  

Шунингдек, Украина электр энергиясининг 44фоизини ва табиий газининг 56 фоизини Венгриядан импорт қилаётганини таъкидлар экан, бу энергиянинг катта қисми Россия манбаларидан олинишини ҳам қистириб ўтди. Унинг сўзларига кўра, дунё “Брюсселдан кўринаётганидек содда эмас”. Масаланинг бу томонларини ҳам ўйлаб кўриш керак, дегандай фикр билдирган. Венгрия расмийлари Россия билан алоқалар бўйича танқидларга жавоб беришда аввал ҳам ушбу рақамларни келтирган.  

Шунингдек, Бош вазир Россияга қарши урушда Украинага ёрдам бериш, можарони чўзишига олиб келади,  бу Украина манфаатларига жавоб бермайди, деган позициясини яна бир бор такрорлади.                  

<iframe width="560" height="315" src="https://www.youtube.com/embed/Gn9G5vV4Rj8?si=ptRfe27oTEXRLpU7" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов, ЎзА