Бухоро вилояти ИИБ Ахборот хизматининг хабарига кўра, жорий йилнинг 20 апрель куни Қоракўл туман ИИБ ходимлари томонидан тезкор тадбир ўтказилди.

Натижада туманнинг Дарғали МФЙда яшовчи фуқаро Ф.Т.га тегишли шу маҳаллада жойлашган экин майдонида бўйи 5 см дан 25 см.гача бўлган, тақиқланган гиёҳвандлик ўсимлиги ҳисобланган 467 туп кўкнор қонунга хилоф равишда экилганлиги аниқланди.

Мазкур ҳолат юзасидан фуқаро Ф.Т.га нисбатан ЖКнинг 270-моддаси 1-қисми билан жиноят иши қўзғатилган.