Қорабайир отларининг жозибаси
ФОТОЭТЮД
Аждодларимиз қорабайир отларини на тоғ, на даштни писанд қиладиган, очликка, сувсизликка чидамли йилқи бўлгани учун ғоят қадрлаган. Улар табиатан мағрур, жасур, учқур ва зийракдир.
Одатда, эгасининг садоқатли дўсти, оиланинг тенг аъзоси ҳисобланган. Қорабайир отлари ушбу хислатлари билан бошқа зот отлардан алоҳида ажралиб турган. Йилқичилик илмини пухта эгаллаган халқларнинг тулпорларигина шундай серқирра характерга эга. Зотан, Хитой императорлари минг йиллар илгари қорабайир отларга ишқибоз бўлиб, уларни “самовий тулпорлар”, деб атагани ҳам бежиз эмас.
