Самарқандда Президент соврини учун “Хорижий тилларни ўқитиш бўйича энг яхши мактаб” танловининг вилоят босқичи бўлиб ўтди.

Унда танловнинг биринчи босқичида – туман (шаҳар) миқёсида биринчи ўринни эгаллаган мактаб жамоалари қатнашди. Мактаб жамоалари 5 нафардан 7-9-синф ўқувчилардан таркиб топган бўлиб, улар ўқиш, тинглаб тушуниш, ёзиш, лексик-грамматик топшириқлар асосида билимини намоён этди.  

Танлов якунларига кўра, Самарқанд туманидаги 10-ИДУМ биринчи ўринни қўлга киритиб, республика босқичига йўлланмани қўлга киритди ва 250 миллион сўм пул мукофоти билан тақдирланди. Иккинчи ўринни эгаллаган Самарқанд шаҳридаги 45-умумий ўрта таълим мактабига 200 миллион сўм, учинчи ўринга муносиб деб топилган Иштихон туманидаги 1-ИДУМга 150 миллион сўм бериладиган бўлди.  

Ғ.ҲАСАНОВ, ЎзА