Joriy yilning 1 fevral kuni Sergeli tumani 266-umumiy o‘rta ta’lim maktabida "Otalar yig‘ilishi" bo‘lib o‘tdi.

Bugungi kunda o‘quvchilar o‘rtasida yuzaga kelayotgan muammolarni otalar bilan hamkorlikda hal qilish ijobiy samaradorligi muhokama qilindi. Maktab ichki tartib va odob-axloq qoidalariga har bir o‘quvchi va ota-onalar rioya qilish kerakligi ta’kidlandi. Farzand tarbiyasiga jiddiy e’tibor berish lozimligi haqida barcha otalar ogohlantirildi.

Shuningdek, kiberxavfsizlik bo‘yicha tushuntirish ishlari olib borildi. Shu bilan birga, yuqori sinflarda eng namunali o‘quvchilarning otalari tashakkurnomalar hamda maktabning "Vatan tayanchi" harbiy otryadi a’zolari ko‘krak nishonlari bilan taqdirlandilar. 

Yig‘ilishda Sergeli tumani “Birdamlik” va “Shukrona” mahallalari "Nuroniylar kengashi" a’zolari, IIB xodimlari ishtirok etishdi.