Ўқувчилар ҳарбий-спорт ўйинларида беллашди
Пойтахтимиздаги 308-мактабда Мирзо Улуғбек туманидаги 10 га яқин мактаб ўқувчилари иштирокида “Ҳарбий-спорт ўйинлари” мусобақаси бўлиб ўтди.
Мактаб ўқувчилари сафда туриш, сафда юриш, сафда қўшиқ айтиш, Калашников автоматини қисмларга ажратиш ва йиғиш, эстафета бўлиб югуриш, граната улоқтириш каби шартларда беллашди.
[gallery-2446]
Мусобақа якунига кўра, 221-мактаб жамоаси 1-ўринга лойиқ деб топилди. Кейинги ўринлар 223- ҳамда 308-мактаб ўқувчиларига насиб этди.
Ғолиб ва совриндорлар ташкилотчилар томонидан таъсис этилган, диплом, медаль ҳамда қимматбаҳо совғалар билан тақдирланди.
Муҳаммад АМИН олган суратлар, ЎзА