Сурхондарё вилоятининг Бойсун туманида “Сиз экологияга оид қонунларни биласизми?” мамлакат кўрик-танловининг туман босқичи бўлиб ўтди.

Экология ва иқлим ўзгариши миллий қўмитаси ўқувчи-ёшларнинг экологияга оид ҳуқуқий онги ва маданиятини юксалтириб, конституция ва қонунларга ҳурмат руҳида тарбиялаш, қонунбузарликларга нисбатан муросасизликни шакллантириш мақсадида ташкил этилаётган танловда иштирокчилар ҳудуд экологияси, ҳуқуқий саводхонлик, тарғибот ва энг яхши экологик лойиҳа йўналишларида ўз билим ҳамда кўникмаларини кенг намойиш этди.

Танлов якунида тумандаги 39-мактабнинг “Тафаккур” жамоаси фахрли биринчи ўринни эгаллаб, вилоят босқичига йўлланма олди. Иккинчи ўрин 5-мактабнинг “Греэн Пулсе” жамоасига насиб этди. 6-мактабнинг “Эко муҳофаза” жамоаси учинчи ўринни қўлга киритди. 

Ғолиблар кўрик-танлов ташкилотчиларининг диплом ва эсдалик совғалари билан тақдирланди.

Холмўмин Маматрайимов, ЎзА