Жиззах шаҳрида мактаб ўқувчисида пиротехника воситалари топилиши ҳолати жамоатчилик ва ота-оналар эътиборини яна бир бор болалар хавфсизлиги масаласига қаратди.

Жиззах вилояти ички ишлар бошқармаси жамоат хавфсизлиги ва йўл ҳаракати хавфсизлиги бўлимининг ходимлари “Хавфсиз ва соғлом юрт” тадбири доирасида шаҳарнинг “Улуғбек” МФЙ ҳудудида мактаб ўқувчисини тўхтатиб, текширув ўтказди. Текширувда ўқувчининг ёнидан 1 қути, жами 50 дона пиротехника воситалари аниқланди ва ҳужжатлаштирилди.

Ҳолат юзасидан боланинг ота-онасига нисбатан маъмурий баённома расмийлаштирилиб, тегишли жарима жазоси қўлланди.  

Абдужалол Қаюмов, ЎзА мухбири