Bu haqda Qashqadaryo viloyati hududiy saylov komissiyasi xabar berdi.

Unda ta’kidlanishicha, Markaziy saylov komissiyasining 2024 yil 24 maydagi “Saylov komissiyalari a’zolarining malakasini oshirishni tashkil etish haqida”gi qarori ijrosini ta’minlash maqsadida viloyatdagi uchastka saylov komissiyalari a’zolari uchun o‘quv-amaliy mashg‘ulotlar o‘tkazilmoqda.  

Bu mashg‘ulotlar hududdagi 1 ming 38 ta saylov uchastkasining o‘zida o‘tkazilmoqda va unda uchastka saylov komissiyalarining barcha – 10 ming 524 nafar a’zosi ishtirok etmoqda. Saylovga bog‘liq har bir jihat oliy ta’lim tashkilotlari professor-o‘qituvchilari orasidan shakllantirilgan 85 nafar trener tomonidan joyida tushuntirib berilmoqda.  

Har bir uchastka kesimida o‘quv reja jadvali tasdiqlangan bo‘lib, o‘quvlar joriy yil 14 oktyabrga qadar davom etadi.  

O‘lmas Barotov, O‘zA muxbiri