АҚШ маъмуриятининг фикрича, Туркия F-16 қирувчи самолётларининг модернизация қилинган версиясини олиши керак, чунки бу НАТОнинг мудофаа имкониятларини оширишда муҳим аҳамият касб этади, деб баёнот берди Давлат котиби Энтони Блинкен.

“Бизнинг фикримизча, Туркия F-16 қирувчи самолётларининг такомиллаштирилган версиясини  ҳамда  Туркиянинг ўзида мавжуд бўлган  шу  турдаги самолётларни ҳам модернизация қилиш учун ёрдам пакетини олиши керак. Биз буни НАТО учун ҳам, альянс учун ҳам муҳим, деб ҳисоблаймиз”, – деди Блинкен АҚШ Вакиллар палатасининг халқаро ишлар бўйича қўмитасида сўзга чиқиб. 

Шу билан бирга, у Туркия келажакда кейинги авлод F-35 қирувчи самолётларини ҳам олиши мумкинми, деган саволни жавобсиз қолдирган.