АҚШ Президенти Дональд Трамп "Daily Mail" нашрига берган интервьюсида Эронга нисбатан ҳарбий амалиёт тахминан тўрт ҳафта ёки камроқ давом этиши кутилаётганини билдирди. Унинг сўзларига кўра, операция учун дастлаб тўрт ҳафталик муддат белгиланган.

Америка етакчиси жараён режа асосида кетаётганини таъкидлаб, АҚШ ва Исроил томонидан амалга оширилган зарбалардан ҳайратланмаганини айтди. Шу билан бирга Трамп Эрон билан кейинги музокарага тайёрлигини ҳам маълум қилди. Эҳтимолий мулоқотнинг аниқ вақти ёки ўтказилиш эҳтимоли бўйича эса ҳеч нима демаган. "Теҳрон музокара қилиш истагини билдирди, аммо бу масала олдинроқ кўтарилиши керак эди", деган Трамп.

Шунингдек, Трамп Кувайтда 1 март куни ҳалок бўлган уч америкалик ҳарбий учун "қасос олиш"га ваъда берди. Мар-а-Лаго қароргоҳидан баёнот бераркан, у Эронни Яқин Шарқдаги кескинликни кучайтираётган куч, деб атади ва мамлакат раҳбариятини ушбу ҳаракатлардан воз кечишга чақирди.

Президентнинг сўзларига кўра, АҚШ ҳаракати ва халқни қўллаб-қувватлаш чораларининг мақсади америкаликлар ва келажак авлодлар хавфсизлигини таъминлашдир. Шунингдек, у Эрон халқини ҳукуматга қарши овоз чиқариш ва америкаликларни операцияни қўллаб-қувватлашга ундади.

Ф. Яхшибоева, ЎзА