Экология, атроф-муҳитни муҳофаза қилиш ва иқлим ўзгариши вазирлиги Ситуацион маркази томонидан республикамизнинг кўплаб ҳудудларида онлайн камералар ўрнатилган.

Хусусан, Сирдарё вилоятида 21 та кузатув камераси ўрнатилган бўлиб, ўтган йилда жами 81 та қоидабузарлик ҳолати қайд этилган ва барчасига чора кўрилган. Шунингдек, Самарқанд вилоятида ўрнатилган 25 та кузатув камераси орқали ўтган йили жами 2 минг 948 та қоидабузарлик аниқланган. Шундан 219 та ҳуқуқбузарлик бўйича маъмурий жавобгарлик қўлланилиб, жарима ундирилган. Қолган 2 минг 729 та қоидабузарлик ижро жараёнида.

Бундан ташқари, Хоразм вилоятида ўрнатилган 17 та кузатув камераси орқали 2024-йилда жами 108 та қоидабузарлик аниқланган. Шундан 61 та ҳуқуқбузарлик бўйича маъмурий жавобгарлик қўлланилиб, жарима ундирилган. Қолган 47 та қоидабузарликка чора белгиланмоқда.

Маълумот  ўрнида таъкидлаш лозимки, деярли барча ҳудудларда жами 250 та онлайн камера ўрнатилган бўлиб, бу камералар нафақат чиқинди ташлаш, балки бошқа турдаги экологик ҳуқуқбузарликларни ҳам аниқлаш ва чора кўриш имконини беради.

Муҳайё Тошқораева,

ЎзА