Президент таълим муассасалари агентлиги ўқувчиларни кириш имтиҳонларига тайёрлашда кўмак бериш мақсадида янги лойиҳага қўл урди.

Агентлик тизимидаги мактабларда фаолият юритадиган энг тажрибали ўқитувчилар ёрдамида видео-дарслар ёзиб олинди.  

Энди Президент мактабига ўқишга кириш учун номзодлар мантиқий фикрлаш, математика дарсларига оид мисол ва масалаларни ечиш усулларини онлайн ўрганишлари ва имтиҳонларга тайёрланишлари мумкин.  

Маълумки, Президент таълим муассасалари агентлигига Президент мактабларидаги муҳитни, методикани бошқа мактабларга ҳам олиб кириш вазифаси юклатилган. "Онлайн дарс" лойиҳасини олиб борилаётган ишларнинг давоми деб баҳолаш мумкин. Инглиз тили дарсидан тайёрланаётган видео-дарслар ҳам тез кунда расмий саҳифалар орқали тақдим этилиши режалаштирилган.  

ЎзА