Давлат активларини бошқариш агентлиги ҳудудий бошқармалари томониданушбу ҳафтада “E-IJRO AUKSION” электрон онлайн-аукцион савдоларида бошланғич нархи 1 сўм қилиб белгиланган бўш турган 25 та давлат мулки объекти 8 7 млрд 885 млн. сўм инвестиция киритиш, 281 та янги иш ўринларини яратиш шарти билан 615 млн. сўмга сотилди. Бундан ташқари 18 та объект сотувга чиқарилди.

Ер ресурслари бўйича электрон онлайн-аукционларда ушбу ҳафтада жами 94 та ер участкасига бўлган ҳуқуқ 21 млрд. 166млн. инвестиция киритиш ва 394 тадан ортиқ янги иш ўринларини яратиш шарти билан 1 млрд. 757 млн. 600 минг сўмга сотилди. Ҳафта давомида 59 ер участкасига бўлган ҳуқуқ электрон онлайн-аукцион савдоларига чиқарилди.

Суд ҳужжатлари ва бошқа органлар ҳужжатларини ижро этишда мол-мулкни реализация қилиш бўйича бўлиб ўтган электрон онлайн-аукционларда ушбу ҳафта жами 58 та объект 12 млрд 305,8 млн. сўмга сотилди. Ҳафта давомида 96 та объект электрон онлайн-аукцион савдоларига чиқарилди.

“E-IJRO AUKSION” электрон онлайн-аукцион савдоларида жисмоний ва юридик шахслар ҳам мол-мулклари ҳам реализация қилинади. Хусусан, ушбу ҳафтада 4 та юридик шахсларнинг 9 та бошланғич баҳоси бошланғич баҳоси 171 млн. сўм бўлган автотранспорт воситалари 255 млн.сўмга сотилди.

Давлат активларини бошқариш агентлиги ҳудудий бошқармалари томонидан электрон онлайн-аукцион савдоларига чиқарилган мол-мулк реализацияси буюртмачилар кутганидан юқорироқ натижа кўрсатди.

Ягона электрон савдо майдончасида савдога қўйилган объектлар хусусидаги янгиликларни www.e-auksion.uz ва www.uza.uz сайтлари орқали кузатиб боринг!