Адиблар хиёбонидаги Алишер Навоий ҳайкали пойида тантанали тадбир давом этмоқда.

Унда Афғонистоннинг Ўзбекистондаги Фавқулодда ва мухтор элчиси Аҳмад Холид Элмий сўзга чиқиб, Ҳазрат Навоий ижоди ва унинг бой маънавий мероси ҳақида гапирди.

– Бизнинг Афғонистонда Ҳазрат таваллуди ҳар йили кенг нишонланади, – дейди элчи. – Ҳазрат таваллуд топган ҳудуд Ҳирот гулларга бурканади. Ҳазрат фақат ўзбекнинг ёки афғоннинг эмас, бутун дунёнинг одами. У аллақачон бутун дунё тотувлигини,дўстликни тарғиб этган. Мана шундай ҳамжиҳатлик, адабиёт йўлидаги дўстлигимиз абадий бўлсин.

Д. Маматова, ЎзА