Туғруқ мажмуасида Фазлиддин Мелиев раҳбарлигидаги “Сервис технология” масъулияти чекланган жамияти қурувчилари томонидан 9 миллиард 400 миллион сўмлик таъмирлаш, тиклаш ва жиҳозлаш ишлари амалга оширилди. Бундан ташқари, мажмуа 700 миллион сўмлик тиббиёт жиҳозлари билан таъминланди.

– Туғруқ мажмуасидаги генекология, ҳомиладорлар потологияси, жонлантириш, жаррҳолик ва терепея бўлимларида 30 нафар шифокор, 250 нафар ҳамшира, 200 дан ортиқ кичик тиббий ва техник ходимлар меҳнат қилади, – дейди Сирдарё тумани тиббиёт бирлашмаси бош шифокори Санъат Қодиров. – Мажмуанинг 150 қатнов ўрнига эга кўп тармоқли оилавий поликлиникасида беморларга сифатли хизмат кўрсатиши учун барча замонавий шароитлар яратилди.