Нукусда “Атроф-муҳитни муҳофаза қилиш ва “яшил иқтисодиёт” йили” доирасида “Eco - Save Aral-2025” номли оммавий югуриш марафони бўлиб ўтди.

Унда олий таълим муассасалари талабалари, умумтаълим мактаблари ўқувчилари, ҳарбий хизматчилар ҳамда 7 ёшдан 70 ёшгача бўлган аҳоли вакиллари фаол иштирок этишди.

Ушбу тадбирни ўтказишдан асосий мақсад, соғлом турмуш тарзини тарғиб қилиш, спорт билан мунтазам шуғулланишга йўналтиришдан иборат эди.

Мусобақа якунида ғолиблар ташкилотчилар томонидан диплом, медаль, қимматбаҳо совғалар ҳамда пул мукофотлари билан тақдирланишди.

Довуд Абибуллаев, ЎзА мухбири