G‘afur G‘ulom nomidagi nashriyot-matbaa ijodiy uyi mashhur adib Muhammad Kabir Umarning «Omina» nomli asarini o‘zbek tilida chop etdi. Kitob Shavkat Yusupov tarjimonligida nashrdan chiqdi.

Asarda Afrikadagi ayollarning o‘z huquqlarini talab qilish va farovon hayotga erishish yo‘lida ko‘rsatgan jasoratlari aks etgan. Unda yuqori tabaqali qatlam hayoti, ularning o‘y-fikrlari asar qahramoni Omina timsolida badiiy ifodalangan. Xotin-qizlarning jamiyatda faoliyat yuritishi, siyosiy-ijtimoiy hayotga aralashishi, ilm olib, rivojlanishga hissa qo‘shishi va bu borada jiddiy kurash olib borishi kitobning asosiy g‘oyasidir.

Asar o‘nlab tillarga tarjima qilingan. Ko‘plab xalqaro mukofotlar sovrindori bo‘lgan.

O‘zA