ФОТОРЕПОРТАЖ

Фарғона вилояти Қувасой шаҳрининг Боғбон маҳалласида яшовчи Рўзибой Мамажонов томорқа деҳқончилигида бой тажриба тўплаган омилкорлардан бири. 

2024 йилда у уч сотихли замонавий иссиқхона қуриб, 50 мингга яқин қулупнай кўчатини парваришлашни бошлади. Иссиқхона ҳароратни йил давомида мослаб турадиган ускуналар билан жиҳозланган. Кузнинг салқин кунлари бошланган айни кезда Р. Мамажонов ҳафтасига ўртача 50 кг қулупнай йиғиб, килосини 150–200 минг сўмдан сотмоқда.

[gallery-25642]

Унинг сўзларига кўра, иссиқхона харажатлари илк йилнинг ўзида қопланган, йиллик даромади эса бир неча юз миллион сўмни ташкил этмоқда. Ҳозирда у маҳалладаги ёшларни жалб этиб, қулупнайчиликни ривожлантириш, келгусида бу йўналишда корпорация ташкил этиш ниятида.

Муқимжон ҚОДИРОВ (сурат), ЎзА