Өзбекстан мен Оман арасында азаматтық авиация саласындағы ынтымақтастықты кеңейту мақсатында екі елдің авиациялық биліктері арасында келіссөздер өтті.

Кездесу барысында Oman Air компаниясының Өзбекстан бағытына тікелей тұрақты рейстерін іске қосу, сондай-ақ екіжақты авиациялық келісімді жаңарту мәселелері талқыланды. Келіссөз нәтижесінде Өзбекстан мен Оман авиация әкімшіліктері арасындағы келісім өзектендіріліп, екі елдің әуе компанияларына аптасына 50-ге дейін рейс орындауға рұқсат берілді.

Сонымен қатар Самарқанд пен Салала халықаралық әуежайларында «ашық аспан» режимін енгізу, жүк тасымалына қатысты бесінші, алтыншы және жетінші дәрежелі әуе еркіндіктерін қолдану мүмкіндігі қарастырылды.

Тараптар биыл Oman Air компаниясының Өзбекстанға тікелей рейстерін іске қосу бойынша қажетті қолдау көрсетілетінін мәлімдеді.