Markaziy bank esdalik tangalarning 2019 yil 24 apreldan amalda boʻladigan narxlarini belgiladi.

Unga koʻra:

1 ta oltin tanga narxi – 13 400 000 soʻm;

1 ta kumush tanga narxi – 252 000 soʻmni tashkil etdi.

Esdalik tangalarning har birini ogʻirligi 31,1 grammdan iborat. Metallar probasi 999,9 ga teng.

Eslatib oʻtamiz, sotuvga 1994-2009 yillarda zarb etilgan, 2 xil oltin hamda 14 xil kumush esdalik tangalari qoʻyilgan. Ularning asillik darajasi 999,9 hamda ogʻirligi 31,1 grammdan iborat. 2018 yil 28 noyabrdan boshlab esdalik tangalarini tijorat banklarining ayrim filiallarida naqd va naqd pulsiz hisob-kitoblar asosida sotib olish yoʻlga qoʻyildi.

Esdalik tangalarni sotish narxi Markaziy bank tomonidan har haftada kamida bir marta milliy valyutada belgilanadi.