Қимматбаҳо металлар бозорида сўнгги икки ҳафталик ўсишдан кейин илк бор пасайиш кузатилди. Бу пасайишнинг асосий сабаби АҚШ доллари курсининг мустаҳкамланиши бўлди.

30 январь куни жаҳон бозорларида олтин нархининг бир унцияси 5 208,93 доллар атрофида баҳоланган ва кун давомида тўрт фоиздан ортиқ пасайиш қайд этилган. Шу билан, олтин сўнгги икки ҳафтадаги биринчи пасайишни бошдан кечирди. 

Эслатиб ўтамиз, 29 январда олтин нархи 5 500 доллардан ошиб, тарихий рекордни янгилаганди.

Иқтисодчилар фикрича, олтин нархининг тушишида АҚШ доллари индексининг 0,5 фоизга ошиши муҳим роль ўйнаган. Доллар мустаҳкамланиши инвесторлар учун қимматбаҳо металларни сотиб олишни нисбатан қимматлаштиради, натижада олтин қуймалари нархи тезда пасаяди. Шу куни олтин нархи 4,8 фоизга камайди, бу эса жаҳон бозорига сезиларли таъсир кўрсатди.

Олтин нархининг ўзгариши глобал иқтисодиёт ва инвесторларнингҳисоб-китобига ҳам бевосита боғлиқ. Доллар мустаҳкамлиги одатда қимматбаҳо металлга нисбатан талабни пасайтиради.

Ф.Яхшибоева, ЎзА