Олма-Отадаги касалхонанинг реанимация бўлими бошлиғи камёб дорилар савдоси билан қўлга олинди
КАЗИНФОРМ ахборот агентлигининг маълум қилишича, Олма-Ота вилоятидаги туман касалхоналарининг бирида реанимация бўлимининг мудири камёб дори-дармонларни сотаётганда қўлга олинган.
КАЗИНФОРМ ахборот агентлигининг маълум қилишича, Олма-Ота вилоятидаги туман касалхоналарининг бирида реанимация бўлимининг мудири камёб дори-дармонларни сотаётганда қўлга олинган. Бу ҳақда агентликка полиция департаменти матбуот хизмати хабар қилган.
Махсус амалиёт туфайли қўлга олинган врач ёнидан 90 дан ортиқ флаконда препаратлар топилган. Улар «Севофлуран, «Сефтриаксон», «Меобактрин», «Албунорм», «Неоцитотект», «Октагам», «Архимакс», «Меропенем», «Годовист» ва «Пропофол» каби камёб препаратлар бўлган. Бундан ташқари, тинтув ўтказилганда бир миллион 370 минг тенге миқдорида пул маблағи мусодара қилинган. Айни пайтда ушбу фактлар бўйича суд олди текширувлари бошлаб юборилгани айтилмоқда.