Olma-Ota shahrida mahalliy aholi vakili sud ijrochilariga qarata o‘q uzib, besh kishini o‘ldirdi, deb xabar berdi shahar politsiyasi departamenti matbuot xizmati.

Xabarda ta’kidlanishicha, favqulodda holat dushanba kuni soat 17:00 da Oqbuloq shaharchasida sodir bo‘lgan. 1967 yilda tug‘ilgan shaxs uni sud qaroriga binoan uydan chiqarishga kelgan sud ijrochilariga qarata o‘t ochgan. Besh kishi, jumladan, ikki nafar politsiyachi og‘ir jarohat olib hayotdan ko‘z yumgan.

Qotil qo‘lga olingani aytilmoqda.

Hozir vaziyat nazoratga olingan. Jinoiy ish ochilgan, tergov harakatlari olib borilmoqda, deyiladi xabarda.