22–23 январь кунлари олий таълим тизими учун жуда муҳим бир учрашув бўлиб ўтди. Унда университет ва институтларда коррупцияга қарши иш олиб бораётган ички назорат бўлинмалари раҳбарлари бир жойга йиғилди.

Асосий мақсад — қоғоздаги гапларни эмас, ҳаётда ишлайдиган ечимларни топиш эканлиги тадбир аввалидаёқ айтилди. Тадбир давомида Президент Шавкат Мирзиёевнинг Олий Мажлис ва Ўзбекистон халқига қилган мурожаатномасида коррупцияга қарши кураш бўйича берилган топшириқларни олий таълим муассасаларида қандай қилиб тўғри ва самарали жорий этиш мумкинлиги очиқ ва тушунарли тарзда муҳокама қилинди.

2026 йил коррупцияга қарши курашишда “Фавқулодда йил” деб эълон қилингани бежиз эмас. Шу сабабли семинар давомида олийгоҳларда пора, таниш-билишчилик ва бошқа салбий ҳолатларнинг олдини олиш, муаммони келиб чиқмасидан бартараф этиш йўлларига алоҳида эътибор қаратилгани билан аҳамиятли.

Яъни, бу ерда касалликни даволаш эмас, олдини олиш ҳақида гап борди. Шунингдек, талабалар ва устозлар орасида ҳалоллик, виждон ва адолат тушунчаларини мустаҳкамлаш масалалари ҳам кўтарилди. Одамлар қонунни фақат қўрқиб эмас, ичидан тушуниб бажариши учун қандай ишлар қилиш кераклиги бугунги куннинг асосий ва долзарб масаласи. Буни шартли равишда “ҳалоллик вакцинаси” деб аташ мумкин.

<iframe width="650" height="420" src="https://www.youtube.com/embed/e-b_P3aqgow" title="Oliy ta’limda korrupsiyaga qarshi kurash avjida" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин Нуриддинов, Ойбек Давронов, Салимжон Обиджонов, ЎзА