АҚШ Олий суди Президент Дональд Трамп маъмуриятига муҳожирларни ватанидан бошқа мамлакатга депортация қилиш жараёнини тиклашга рухсат берди. Бу ҳақда BBC ёзган.

Уч нафар либерал судья суд қароридан норози бўлиб, бу "қонунсизликни мукофотлаш" эканини даъво қилди.

Бу иш Мьянма, Жанубий Судан, Куба, Мексика, Лаос ва Вьетнамдан келган, мамлакатдан май ойида Жанубий Суданга учган самолётда чиқариб юборилган саккиз муҳожирга тегишли. Трамп уларни "ёмонларнинг энг ёмони" деб атаган.

Гумондорларни ҳимоя қилган Миллий иммиграция судлари альянси кўрилган чорани “даҳшатли” дея баҳолаган.

Мусулмон Зиё, ЎзА