Ўзбекистон Республикаси Президенти раислигида 2024 йил 17 июль куни ўтказилган видеоселектор йиғилишида белгиланган вазифаларнинг мазмун-моҳиятини кенг жамоатчиликка етказиш мақсадида Олий Мажлис Қонунчилик палатаси депутати Жамшид Қосимов Қамаши туманида бўлди.

Туман Иқтисодиёт ва молия бўлими, пенсия жамғармаси ва ғазна бўлимида учрашув ташкил этилиб, аҳолини тадбиркорликка жалб қилиш, уларнинг бандлигини таъминлаш ва даромадларини ошириш бўйича амалга оширилаётган ишлар муҳокама қилинди.

Шундан сўнг, ҳудудларда ўрганиш ишлари олиб борилди. Янги авлод маҳалласида фаолият юритаётган «Ёшлар гузари» ва Қуйи Янги маҳалласида ёшларга ажратилган ерларнинг фойдаланиши ўрганилди.

Ҳозирда «Ёшлар гузари»да сартарошлик, тикувчилик, тил курслари ҳамда кутубхона орқали ёшларга хизмат кўрсатилмоқда. Қуйи Янги маҳалласида жорий йилда 10 гектар майдон ёшлар учун ажратилиб, 19 нафар ёшнинг доимий бандлиги таъминланган.

ЎзА