Мазкур тадбирда 57 та сайёр давлат хизмати кўрсатилган. Жумладан, газ тармоқларига уланиш бўйича 11 та, сувни ҳисобга олиш ускунасини ечиш ва ўрнатишга 1 та, солиқ тўловчининг идентификация рақамини аниқлаш ва олиш 17 та, болани давлат мактабгача таълим муассасасига жойлаштириш бўйича 22 та, сувни ҳисобга олиш приборини пломбалаш бўйича 1 та ва фуқароларни жамғариб бориладиган пенсия таъминоти тизимига ҳисобга олиш бўйича 5 та мурожаатлар сайёр тартибда қабул қилинган.

Ушбу тадбирни шанба куни ташкил қилишимиздан мақсад чекка қишлоқларда деҳқончилик, томорқа ишлари билан банд бўлган фуқаро ва кекса ёшдаги ота-онахонларимизга сайёр давлат хизматларини кўрсатиш, – дейди Тахиатош тумани Давлат хизматлари маркази бўлими бошлиғи А.Оразимбетов, – Бу каби тадбирлар туманимизнинг ҳар бир маҳалла-овул фуқаролар йиғинлари ҳудудларида ташкил қилинмоқда.

Тадбирда кўрсатилган хизматлардан ушбу ҳудудда яшовчи аҳоли ўзига керакли бўлган давлат хизматларидан самарали фойдаланди.