Navoiy viloyati Uchquduq tumanidagi 2-maktabgacha ta’lim muassasasi va uning Qulquduq, Uzunquduq, Juzquduq hamda Shalxar ovullaridagi filiallari mukammal rekonstruksiyadan so‘ng foydalanishga topshirildi.

Navoiy viloyati Uchquduq tumanidagi 2-maktabgacha ta’lim muassasasi va uning Qulquduq, Uzunquduq, Juzquduq hamda Shalxar ovullaridagi filiallari mukammal rekonstruksiyadan so‘ng foydalanishga topshirildi.

Maktabgacha ta’lim muassasasining Qulquduq ovulidagi “Baldirg‘an” filiali yangi binosidagi mashg‘ulot xonalari, dam olish va tibbiy xizmat ko‘rsatish xonalari, stadion va oshxonasi zarur jihozlar, o‘quv qo‘llanmalari, ko‘rgazmali qurollar, turli o‘yinchoqlar bilan ta’minlandi.

– Muassasamiz zamonaviy binoda ish boshlaganidan ota-onalar ham, tarbiyachilar ham xursand, – deydi tarbiyachi Ulifa Nazarova. – Ayniqsa, tarbiyalanuvchilarimizning quvonchi cheksiz. Bu yerda tarbiyalanuvchilarning jismoniy va ma’naviy sog‘lom ulg‘ayishlari uchun barcha sharoit yaratilgan. Ingliz tili va turli sport to‘garaklari faoliyat ko‘rsatmoqda. Yosh avlod kamoloti yo‘lidagi bunday yuksak e’tibor va g‘amxo‘rlik uchun Prezidentimizdan minnatdormiz.