“Ҳудудгаз Сурхондарё” газ таъминоти филиали томонидан Бойсун туманининг Дуоба маҳалласида 2023 йилнинг октябрь ойида “Дуоба” маиший газ баллонларни сақлаш ва тарқатиш сервис маркази қуриб фойдаланишга топширилган эди. Ушбу сервис марказининг ўртача қуввати бир кунда 450 дона маиший газ баллонлари сақлаш ва тарқатиш имкониятига эга.

Тумандаги Дуғоба, Деҳбола, Ўрмонча ва Хўжайидод қишлоқлари Термиз шаҳридан 220-230 чақирим узоқда жойлашган. Авваллари “Бойсунтумангаз” газ таъминоти бўлими ходимлари ана шундай мураккаб йўлни босиб, махсус “Камаз” ва “MAN” русумли автотранспорт воситалари билан аҳолига суюлтирилган маиший газ баллонларини етказиб берилар эди. 

[gallery-21248]

– Айниқса, қишнинг қаҳратон вақтларида, ерга 70-80 сантиметр қор тушганида, қор ва ёмғир аралаш ёғганида тоғ йўллардан юриш анчайин қийинчилик туғдирар эди, - дейди “Бойсунтумангаз” газ таъминоти бўлими ходими Зокир Хурсандов. – Энди сервис маркази орқали ишимиз анча енгиллашди. Захира газ баллонлари шу ҳудуднинг ўзида сақланиб турадиган бўлди. Истеъмолчиларнинг ўзлари бўшаган газ баллонларини сервис марказига олиб келиб, тўлдирилган маиший газ баллонларига алмаштириб кетиш имкониятига ҳам эга.

Сервис марказида “Ёнғин хавфсизлиги” бурчаги ташкил этилган ҳамда 2 тонна сув сақлашга мўлжалланган сиғим ўрнатилган.

<iframe width="650" height="420" src="https://www.youtube.com/embed/xSv7YZgROkU" title="Olis hududlar aholisi suyultirilgan gaz ballonlari bilan ta’minlanmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат ва видео), ЎзА