Ўзбекистон спорт вазирлигида Хитойнинг “Beijing Huatai United technology co. LTD” компанияси мутасаддилари билан учрашув бўлиб ўтди. Унда “Тошкент-2025” ёшлар Осиё ўйинларидан кейин Олимпия шаҳарчасидаги объектлардан самарали фойдаланиш масаласи муҳокама қилинди.

Учрашувда мамлакатимиз спорт вазири Адҳам Икромов, Миллий олимпия қўмитаси Бош котиби Ойбек Қосимов, “Beijing Huatai United technology co. LTD”   бош директори Сун Бодонг иштирок этди. Унда Хитой компанияси ўз тажрибасидан келиб чиққан ҳолда иншоотлардан самарали фойдаланишга оид тақдимотини намойиш қилди.  

Спорт ва ички туризмни ўзаро уйғунлаштирган ҳолда шаҳарчани аҳоли учун кўнгилочар масканга айлантириш, мажмуадаги майдонлардан самарали фойдаланиш, жараёнга сунъий интеллект ва инновацион технологияларни татбиқ этиш каби мавзулар атрофлича кўриб чиқилди.  

Ушбу тақдимот Ўзбекистон томонининг катта қизиқишига сабаб бўлди.  

Жавоҳир Тошхўжаев,  

ЎзА