Poytaxtimizdagi “Olimpiya shaharchasi” yakkakurash sport turlari majmuasida dzyudo bo‘yicha o‘smirlar va kichik o‘smirlar o‘rtasida o‘tkazilayotgan “Judo Sport Club Cup” xalqaro turnirida Belarus, Ozarbayjon, Qirg‘iziston, Qozog‘iston, Tojikiston va O‘zbekistonning yosh sportchilari g‘oliblik uchun kurash olib bormoqda.

“Judo Sport Club Cup” xalqaro musobaqasida umumiy hisobda 60 ta  sport klubining 2 ming 400 nafarga yaqin chempionlikka intilayotgan yosh sportchilari yosh guruhlari va vazn toifalarida mahoratini namoyish etmoqda.

Bellashuvlarni chet ellik hamda o‘zbekistonlik 49 nafar tajribali hakam boshqarib bormoqda.

Musobaqalar 6-martga qadar davom etadi.

T.Ro‘ziyev, O‘zA