АҚШ олимпия қўмитаси Пекинда ўтадиган қишки олимпия ўйинларида иштирок этадиган америкалик спортчиларга Хитойга йўл олишда ўз смартфонларини уйларида қолдиришни тавсия этмоқда.

Бу ҳақда “Wall Street Journal” нашри хабар тарқатди.

Нашрнинг хабарига кўра, Хитойда бўладиган қишки ўйинлар мобайнида Пекин-2022 ташкилий қўмитаси мамлакат бўйлаб “My2022” дастурини жорий этилади. Бу эса қимматбаҳо теледастур ва қурилмаларнинг бузилишига олиб келади. Шу боисдан, қишки ўйинларда қатнашадиган АҚШ спортчилари ўйинлар жараёнида бир марталик оддий телефон аппаратларидан фойдаланишга чақирилган.

Худду шундай мурожаат билан Буюк Британия, Канада ва Норвегия давлатлари ҳам ўз спортчиларига юзланган.

Эслатиб ўтамиз, қишки олимпия ўйинлари жорий йилнинг 4-20 февраль кунлари бўлиб ўтади.

ЎзА