Оксфорд университети COVID-19 га қарши вакцина синовини бошламоқда
Оксфорд университети мутахассислари коронавирусга қарши вакцинани синаб кўриш учун кўнгиллилар танлаб олинаётгани ҳақида эълон қилди.
Оксфорд университети мутахассислари коронавирусга қарши вакцинани синаб кўриш учун кўнгиллилар танлаб олинаётгани ҳақида эълон қилди.
Вакцина яратувчиларининг таъкидлашича, коронавирусга чалинганларнинг 80 фоизида хасталик енгил кечмоқда ва улар шифокорлар аралашувини талаб қилмайди. Бироқ, ҳар олти бемордан бирида инфекция жиддий касалликка айланиши мумкин.
“Тадқиқот бизга янги ChAdOx1 nCoV-19 вакцинасининг соғ одамларни коронавирусдан ҳимоя қила олиши ёки олмаслигини баҳолаш имконини беради“, — дейилади университет тарқатган пресс-релизда.
Хабарда айтилишича, синовда фақат Темза водийсида истиқомат қилаётган 18 дан 55 ёшгача бўлган соғлом одамлар иштирок этади. Вакцинанинг синов вақти олти ойга мўлжалланган.