Әзербайжанда өтіп жатқан спорттық гимнастикадан Жаһан кубогының финалдық бәсекесінде 49 жастағы Оксана Чусовитина жеңіс тұғырына көтерілді.

Олимпиада ойындарына сегіз мәрте қатысқан аңыз спортшының бұл жеңісі құрметіне Өзбекстанның мемлекеттік әнұраны шырқалды.

Шешуші кезеңде ол өзінің сүйікті тіреп секіру бағдарламасында ең жоғары нәтиже көрсетіп, алтын медальға ие болды. Чусовитинаның өнері қазылар алқасы тарапынан 13.516 баллмен бағаланды.