Бугун Олмалиқ кон-металлургия комбинати томонидан экспорт бўйича 2025 йил учун белгиланган режа муддатидан олдин бажарилди.

Комбинат томонидан шу кунга қадар 489,8 млн долларлик маҳсулотлар экспорти амалга оширилиб, прогноз режа 100%га адо этилди.

Бугунги кунда комбинат мис катоди, рух метали, мис катанкаси, рух купороси, рений, кадмий, мис купороси, палладий кукуни, қўрғошин концентрати ва техник теллур каби маҳсулотларни 19 та давлатга экспорт қилмоқда.

Эътиборлиси, комбинатнинг мис катанкаси ва мис купороси каби маҳсулотлари Гвинея, Сенегал, Сербия, Жанубий Африка Республикаси, Португалия ва Испания каби давлатларга ҳам экспорт қилинаяпти.

Олмалиқ кон-металлургия комбинатида жорий йилда барча ишлаб чиқариш прогноз режаларининг бажарилиши баробарида параллель равишда ишлаб чиқариш ҳажмини оширишга қаратилган инвестиция лойиҳалари ҳам самарали амалга ошириб келинмоқда.

Маълумот учун: жорий йилда 3-мис бойитиш фабрикасининг биринчи линияси ишга туширилиб, кунига 600 тоннадан концентрат Мис эритиш заводига етказилмоқда.

ОКМК Ахборот хизмати