Олмалиқ кон-металлургия комбинати томонидан ишлаб чиқарилган маҳсулотлар экспорти борасида ҳам 2023 йилнинг биринчи чорагида юқори натижалар қайд этилди. Хусусан, 2023 йил январь-март ҳолати бўйича 174,7 миллион доллар миқдорида маҳсулот экспорти амалга оширилиб, режа 100,4 фоизга бажарилди.

Маҳсулотлар кесимида олсак 1-чоракда 12,9 минг тонна мис маҳсулотлари ва 8,2 минг тонна рух метали хорижга юборилган. Шунингдек, рений, мис купороси, молибден ва вольфрам маҳсулотлари экспортида ҳам режавий вазифалар бажарилиши таъминланган.  

Эслатиб ўтамиз, ўтган йилда комбинат маҳсулотлари экспорти географияси кенгайди. Янги бозорлар – Испания, Австрия, Германия, Финляндия, Канада, Жанубий Африка Республикаси ва Сенегал давлатларига қиймати 14,3 миллион долларлик маҳсулотлар экспорти амалга оширилди.  

ОКМК Ахборот хизмати  

ЎзА