1 маусым, сәрсенбі күні АҚШ-тың Оклахома штатындағы Талса қаласында белгісіз біреу Сент-Френсис ауруханасының кампусында оқ жаудырды. Оқиға салдарынан кем дегенде төрт адам қаза тапқан.

Deutsche Welle ақпарат порталының дерегінше, оқиға салдарынан кем дегенде төрт адам қаза тапқан және жарақат алған олардың арасында қылмыскердің өзі де бар.

Полиция мәліметінше шабуылшы бұл мекенді кездейсоқ таңдамаған деп күдіктенеді.

Қылмыскер тапанша және ұзын винтовкамен қаруланған болып, екі қаруды да қолданған. Қазіргі уақытта куәгерлермен әңгімелесу жүргізілуде және полиция «күдіктінің жеке басын анықтауға жақын».

Бұған дейін, 24 мамырда Техас штатындағы Ювальд қаласындағы Робб бастауыш мектебінде атыс болып, 19 бала мен екі мұғалім қаза тапқан болатын. Тағы 13 бала әртүрлі дәрежедегі жарақаттар алған еді.