Andijon viloyat hokimligi, viloyat sogʻliqni saqlash, OITSga qarshi kurash boshqarmalari,“Oʻzbeknavo” estrada birlashmasi viloyat boʻlimi hamda Yoshlar ittifoqi hamkorligida tashkil etilgan marafon doirasida qator tadbirlar tashkil etildi.

Marafonda OIV va gemokontakt infeksiyalari tarqalishining oldini olish va profilaktik tadbirlar samarasini oshirishda amalga oshirilayotgan chora-tadbirlar toʻgʻrisida soʻz yuritildi.

Aholi oʻrtasida OIV infeksiyasi profilaktikasi yuzasidan tushuntirish ishlari olib borildi.

Yoshlar markazi binosida OITSga qarshi kurash markazi xodimlari tomonidan tayyorlangan “Andijon viloyatida OIV infeksiyasi boʻyicha epidemiologik vaziyat” mavzusida maʼruzalar tinglandi.

Tadbirning madaniy qismida ijodiy jamoalar oʻz kuy-qoʻshiqlari bilan yigʻilganlarni xushnud etdi.