Машҳур “Рисолатул-қушайрийя” китобида Абу Саид Худрий розияллоҳу анҳудан ривоят қилинади: “Расулуллоҳ соллаллоҳу алайҳи ва саллам туяга ем берардилар, уй тозалардилар, пояфзал тикар, кийим ямардилар.

Қўй соғар, хизматкор билан овқатланардилар, агар қийналса бирга хамир қорардилар. Бозордан олган бозорликларини уйларига ўзлари кўтариб келишдан ҳаё қилмасдилар. Бой ва камбағал билан қўл бериб сўрашар ва саломни биринчи бўлиб берардилар. Чақирган жойга писандсиз бўлмас, агар ёмон хурмо қўйса ҳам борардилар. Енгил харажат, мулойим хулқли, гўзал табиат ва ҳусни муошаратли эдилар. 

Очиқ юзли, кулмай табассумли, хўмраймай маҳзун, хорланмай тавозели ва исрофсиз саховатли эдилар. Қалби нозик ва ҳамма мусулмонга раҳмдил бўлганлар. Тўйгандан ҳеч кекирмаганлар. Таъма туфайли асло қўлларини чўзмаганлар”.

<iframe width="640" height="420" src="https://www.youtube.com/embed/SgkvisjSAxM" title="Oila rahbari kamtarin bo‘lsa... " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>