Ҳар қандай соҳада, йўналишларда ўрнатилган ҳамкорлик алоқалари, қўшма дастурлар, амалий машғулотлар катта юксалишларга хизмат қилади.
Ўзбекистон Республикаси Миллий гвардияси ва Буюк Британия Қироллик полки ҳарбий оркестрлари жамоаларининг ижодий ҳамкорлиги ҳарбий ватанпарварлик йўналишидаги жанговар қўшиқ ва куйларнинг яратилишига замин яратаётгани билан эътиборлидир.
Тошкентдаги Миллий гвардия Маънавият ва маърифат марказида Буюк Британия Қироллиги Ёркшир полки оркестри ва Ўзбекистон Республикаси Миллий гвардияси намунали-кўргазмали ҳарбий оркестри ҳамкорлигида ўтказилган "Оҳанглар садоси" концерт дастурида ижро этилган ўндан ортиқ бетакрор куй ва қўшиқлар унутилмас таассуротларни қалбларга муҳрлади. Дилларга бир олам завқ улашди.
Маҳоратли дирижёрлар раҳбарлигидаги оркестрлар гуруҳларининг ҳарбий юришлари ва замонавий мусиқий композициялардан иборат куй-қўшиқлар, саҳнадаги уйғунлик ва ҳар бир куйда акс этган руҳ дўстлик ришталарининг мустаҳкамланишига, қадриятларни улуғлашга, маданий алоқалар ривожини янги босқичга олиб чиқишга қаратилгани билан қадрлидир.
Мазкур ижодий учрашув соҳадаги икки томонлама ўзаро ҳамкорликнинг янги истиқболларини белгилаш ва тажриба алмашиш йўлида муҳим қадамлардан бўлди.
<iframe width="640" height="420" src="https://www.youtube.com/embed/p-x2FMaURxQ" title=""Ohanglar sadosi" do‘stlik rishtalarini mustahkamlaydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Т.Рўзиев,
Х.Абрайқулова, А.Аҳмедов (видео), ЎзА