Наманган шаҳрида истиқомат қилувчи “A.E.N."га қарашли оҳак ишлаб чиқариш цехи табиий газ тармоғига ноқонуний равишда уланган ва 4 миллион 704 минг метр куб табиий газни ўғринча ишлатган.

Назорат тадбирида аниқланишича, ушбу ноқонуний ҳолат туфайли тизимга 7 миллиард 56 миллион сўм зарар етказилган. 

“Ўзэнергоинспекция” матбуот хизматига кўра, бу ҳажмдаги табиий газ ҳозирги кунда 23 минг 520 та хонадоннинг бир ойлик истеъмолига тўғри келган. Аниқланган ҳолат бўйича тегишли ҳужжатлар ҳуқуқни муҳофаза қилувчи органларга тақдим этилган. 

Н.Зиёдуллаева, ЎзА