Мамлакатимиз оғир атлетикачилари ўтган йили салмоқли натижаларга эришди. Хусусан, полвон қизларимизнинг кўрсаткичларида ўзига хос юксалиш кузатилгани натижаларда ўз аксини топди.

Ортда қолган спорт цикли давомида дунёнинг турли давлатларида ташкил этилган 8 та нуфузли мусобақада умумий ҳисобда қўлга киритилган 160 та медаллар шодасида оғир атлетикачи хотин-қизларнинг алоҳида ўрни бўлди.

Ўтган йилги натижаларни жорий йилда янада яхшилаш ҳамда аёллар терма жамоасининг салоҳиятини янада мустаҳкамлаш, гендер тенгликни амалга ошириш мақсадида Ўзбекистон оғир атлетика федерацияси томонидан аёллар терма жамоасида маҳоратли мураббий Камила Абдуллаева иш бошлади.

Эслатиб ўтамиз, мураббийлар штабида терма жамоа аъзоларининг тайёргарлик жараёнида иштирок этишга киришган К.Абдуллаева 2025 йил “Энг яхши аёл мураббий”, дея эътироф этилган.

<iframe width="650" height="420" src="https://www.youtube.com/embed/W3OhRw2cpTc" title="Og‘ir atletika: Ayollar terma jamoasida yangi murabbiy ish boshladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Т.Рўзиев, Ж. Тошхўжаев, ЎзА